أهدي هذه الدمعة إلى روح الشهيد الدكتور باسل فليحان

في الذكرى الثانية لاستشهاده 

 وانجرح خدّ العياد

 بقلم انيس زبيدي

فليحان قلبك وسّع جْناحو وْسما

ع جْناح نسمِة عم توشوش بالوما

نحنا حفظنا جسمَك بْقلب التراب

واللــه حَفظلك رُوحك بْقلب السما

عْليك الحمـــام الأبيض بْيلبس حداد

والزهرْ كلّــــو لابسِة وْراقو سواد

وبلّش وجودك بعدما تركت الوجود

وبدمعة الحزْن جْرَحِت خدّ العياد

والله انتقملك والفجِــــر نورو شهود

ونار الْ بجسمك إخدت بْتار البلاد

وْهَجْمِت ع فحمِة قلبُن القاسي الحقود

وخلّت صخور قلوبُن تفتفت رماد

وإنْتْ رْحَلِت ومشيت قبل الإنتخَاب

وشفتو مَجِدْ باطل وبعيونك ما طَاب

وقلتلن كْراسي الخشَبْ أصلا خشَب

واللّــي بشوف الخير بعيون الغرَاب

متل القِشِعْ حالو وْمِشِي بْقطعِة دهب

ومن تِقلهــا صارت تشدّو ع التراب

وما دام كرسي مْنِ الخشَبْ مش رحْ تفيد

وْريحة تراب الأرْضْ صارت عم تزيد

اجتمعـــــوا ملايكة السما وعملو انتخاب

ونقّوك بالإجمـــــــــــاع تاتكون الشهيد

وبْرحلتـــــك إنت وْرفيق، الكلّ قِال

صِرْتْ غيــــــرْ الكلّ، حِالك غير حِال

وأوّل مسيحــــي فات عاديار النعيم

                                                    ْبخشبـــــــة صليب مْشنكل عْليها هِلال

iloveyoulebanon@hotmail.com   

                                                                  نيويورك سيتي

                                                      الشاعر أنيس زبيدي